உலக காச நோய் தினம் March 24

1,005 Comments / By EDITOR / March 23, 2023 March 23, 2023

Author: Dr. K. GANESHKUMAR, MEDICAL OFFICER DISTRICT TB CENTRE SALEM

மார்ச் 24 அன்று ஒவ்வொரு வருடமும் உலக காசநோய் தினமாக அனுசரிக்கப்படுகிறது . 1882 ஆம் வருடம் ராபர்ட் காக் எனும் ஜெர்மன் விஞ்ஞானி காசநோய் என்பது மைக்கோ பாக்டீரியம் ட்யூபர்கிலோசஸ் என்ற நுண்கிருமியால் ஏற்படுகிறது என்று கண்டுபிடித்தார். உலக அளவில் இருக்கும் காச நோயாளியின் மொத்த எண்ணிக்கையில், 27 சதவீதம் நபர்கள் இந்தியாவில் தான் உள்ளனர் . இந்தியாவில் 26 லட்சம் நபர்கள் சென்ற வருடம் 2022 இல் கண்டுபிடிக்கப்பட்டுள்ளார்கள். உலக அளவில் இருக்கக்கூடிய காச நோயாளிகளில் 27 சதவிகிதம் இந்தியாவில் தான் உள்ளனர். இது மிகவும் அதிகமான ஒன்றாகும். ஆகவே நாம் அனைவருமே ஒன்றிணைந்து காசநோயை ஆரம்ப நிலையில் கண்டுபிடிக்கவும் மற்றும் காச நோயாளிகள் பரிபூரணமாக சிகிச்சை எடுத்துக் கொண்டு குணமடையவும் உதவி புரிய வேண்டும். அதனால்தான் இந்த வருட கருத்து ‘எஸ் வி கேன் எண்டு டிபி ”Yes We Can End TB” என்பதாகும்.

காச நோய்க்கான அறிகுறிகள் என்னவென்றால் இரண்டு வாரத்திற்கு மேல் தொடர் இருமல் சளி மாலை நேர காய்ச்சல் பசியின்மை எடை குறைதல் சளியில் ரத்தம் வருதல் போன்றவை ஆகும். இது போன்ற அறிகுறிகள் இருந்தால் பாதிக்கப்பட்டவர்கள் அருகில் இருக்கக்கூடிய மருத்துவமனைக்குச் சென்று முதல் கட்டமாக சளி பரிசோதனை செய்ய வேண்டும். ஒவ்வொரு நுரையீரலால் பாதிக்கப்பட்ட காச நோயாளியுமே பத்தில் இருந்து 15 நபர்களுக்கு காச நோயை பரப்புகிறார், காற்றில் பரவக்கூடிய நோய் என்பதனால், யாருக்கு வேண்டுமானாலும் இந்த காசநோய் வரலாம். இருமும் பொழுது தும்மும் பொழுது அனைவருமே வாயை மூடி இரும வேண்டும், கண்ட இடத்தில் மக்கள் சளியை துப்புவது தவிர்க்க வேண்டும். இவ்வாறு செய்தால் டிவி பரவுவதை தடுக்கலாம்

பொதுவாக ஆறு மாதம் அல்லது ஒன்பது மாதம் அல்லது 18 மாதம் அந்த காச நோய் வகையை பொறுத்து சிகிச்சை வழங்கப்படும்.காச நோய்க்கான சிகிச்சை முற்றிலும் இலவசமாக அனைத்து அரசு மருத்துவமனை ஆரம்ப சுகாதார நிலையம் நகர்ப்புற ஆரம்ப சுகாதார நிலையம் மருத்துவக் கல்லூரி மருத்துவமனைகள் மாவட்ட காச நோய் மையம் போன்ற அனைத்து அரசு சார்ந்த மருத்துவமனைகளில் இலவசமாக கிடைக்கிறது.டி பி யால் பாதிக்கப்பட்ட நபர்களுக்கு அரசு சார்பாக மாதம் தோறும் 500 ரூபாய், சிகிச்சை காலம் முழுவதும் அந்த நோயாளிகளின் வங்கி கணக்கிற்கு வரவு வைக்கப்படும்.

மேலும் அந்த நோயாளிகளின் விபரங்கள் ரகசியம் காக்கப்படும். டி பியால் பாதிக்கப்பட்டவர்களுக்கு சர்க்கரை நோய் எச்ஐவி நோய் அல்லது வேறு இணை நோய்கள் இருப்பின் அனைத்திற்குமே அந்த நபர்கள் உடனுக்குடன் சிகிச்சை எடுத்துக் கொள்ள வேண்டும். புரதச்சத்து மிக்க ஊட்டச்சத்துக்களை அவர்கள் அவசியம் எடுத்துக்கொள்ள வேண்டும். பருப்பு வகைகள் மீன் இறைச்சி பால் முட்டை போன்ற புரதம் அதிகமான உணவுகளை அவர்கள் எடுத்துக் கொள்வது நல்லது. காசநோய் ஏற்பட்ட நோயாளிகளின் தொடர்புடையவர்கள் அனைவருமே காசநோய்க்கான பரிசோதனை எடுத்துக் கொள்ள வேண்டும். ஐந்து வயதுக்கு கீழ் உள்ள காசநோயாளிகளின் தொடர்புடைய குழந்தைகள் அனைவருக்குமே காசநோய் இருக்கிறதா என்று பரிசோதித்து காசநோய் வராமல் இருக்க தடுப்பு மருந்துகள் எடுத்துக் கொள்ள வேண்டும்.

காசநோய் ஏற்பட்டவர்கள் அனைவருமே மனம் கலங்க வேண்டாம். .அனைவரும் ஒன்றிணைவோம் காசநோயை பரவாமல் தடுப்போம்